اجا رمضان يا شباب
اجا رمضان يا شباب وبلشت دعايات الاكل والزيت والميونيز والشوربه وغيرو , وكمان دعيات المسلسلات الي عم يتنافسو القناوات على بثها الحصري , اي وشو بدو هالمشاهد المعتر يحضر ليحضر , من باب الحاره لفلانه الي عامله 4 مسلسلات والتانيه عامله 5 وشي سوري وشي مصري وشي تركي وشي ما بعرف شو ....
هاد غير برامج الاكل الي بتضل طول النهار , وبيضل هالصايم يفطر وهو عم يحضر , والنسوان وهن عم
يشيلو الصحون من عالسفره عيونن على ابو شهاب احلى ما تضيع عليهن شي لقطه ,
والولاد حافظين الغنيه وبصرفو معاشات ابوهن عالعلوك والسحبات والالعاب والتياب الي عليها صورابطال
المسلسل ,تمرق السهره مسلسل ورا مسلسل
لا والحلو انو كل مسلسل بينعاد مرتين
, يعني اذا نفذت اول مره ما بتنفد تاني مره ,
واذا نفدت تاني مره اكيد ما رح تنفد تالت مره , ونرجع مرجوعنا للدعايات
الي بنشوف فيها ما لذ وطاب لحتى بعد شوي رح نصير نشم ريحتو , نحنا بلا دعايات ما عم نوقف اكل بالسهره كيف بيهن ,وهالصايم بيضل يتفرج عليهن ويشتهي وما بيعرف انو اصلا حرام يقعد يتشتهي الاكل بعيونو....
.................................................. ..........
وبين كل هالشي يا شباب وين الصلاة؟؟؟؟؟؟؟؟؟؟؟؟؟؟؟؟؟؟؟؟؟؟؟
وين القران الي لازم نختمو برمضان ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وين التراويح ( ليش في وقت للتراويح صار؟)
وين التسبح والدعاء وقيام الليل ؟
وين\احياء الليالي العشر الاواخر؟
طبعا ما رح يقدرو يصلو الفجر حاضر بعد ما يسهرو عم يحضرو مسلسلات لانو بعد السهر والاكل رح يتعبو
وينعسو خصوصا بعد نها طويل من الصيام
( رمضان هالسنه جاي ب شهراب) يعني الواحد ح يتعب وبس ياكل رح ينعس ,
الله يهدينا جميعا ويهدي المسلمين ويهدي هالمخرجين يالي صارو يتاجرو بعقول العالم ويطولو بالمسلسلات الي سوقها بيمشي حالو من رمضان لرمضان ونحنا منخسر حسنات من رمضان لرمضان الي بيفل يا جماعه ما بقى يرجع فاغتنمو الفرصه ولا تضيعوها لانو كل شي بينعاد الا العمر ما بينعاد متل المسلسلات